پەرستاران و کادری دەرمانیی نەخۆشخانەی شاری "مەهاباد" لەهەمبەر نەبوونی ئیمکانات و کەمیی کادری دەرمانی و پەرستار، ناڕەزایەتییان دەربڕی.
بە وتەی پەرستارانی "مەهاباد"ی لە نەخۆشخانەی ئەو شارە، سەرەڕای کەمیی کادری دەرمانی و پەرستار، کاری تاقەتپڕووکێن و نەبوونی ئیمکاناتی پێویست، زۆربەی پەرستارەکان تووشی کۆرۆنا بوون.
ئەو پەرستارانە ڕایانگەیاندووە کە هەرچەند لەلایەن خێرخوازانەوە بڕە پارەیەکی زۆر تەرخان کراوە بۆ کڕینی پێداویستیی دەرمانی بۆ پەرستاران و تووشبووانی تایبەت بە کۆرۆنا، بەڵام ئەو پارەیە دیار نییە و دەردێکی لەوان دەرمان نەکردووە.
هەروەها ڕایانگەیاندووە: "پێویستە لە شارەکانی دیکەوە پەرستاری ٨٩ ڕۆژە بێنن تا گوشاری کاری لەسەرمان کەم ببێتەوە و تا بەهۆی ماندووبوونی ئێمەوە شوێندانەری نەرێنی نەبێت لەسەر چارەسەریی تووشبووان".
لە ماوەی تەشەنەسەندنی کۆرۆنا تا ئێستا پەرستار و پزیشکەکان لە مەترسیدارترین توێژی نێو کۆمەڵگا بوون و هەردەم مەترسیی تووشبوونیان لەسەر بووە.
