دیار
لەو وەختە ک ڕێژیم جومهوری ئسلامی دەس کرد وە دامەرزاندنێ نیروگای هەستەیی و پیتاندنێ ئورانیوم، کۆمەلگای جەهانی تووش ترس و ئامادەباشی بییە، چوونکە دوای چەند ساڵ ئەڕایان دەرکەفتێە ک ئی ڕێژیمە ئەڕای بەرژەوەندییەگانێ خوەی دەس لە هوێچ کارێ و کردەوەوی وەحشیانە نیەپارێزێد.
ڕێژیم جومهوری ئسلامی وە سیاسەت هەرەشە کردن و ترسانن تا ئێرنگە چیەسە وەر چ لە سیاسەت ناوخوەی چ لە سیاسەتێ دەرەوە وە بەردەوامی هەڕەشەی هەڵامات و وە تایبەتی لەناو بردنێ ئسرائیل کەی و وە دامەزراندنێ گرووپەیل ترۆریستی لە ناوچەگە و جەهان توای هاز خوەی نیشان بییەی.
لەی ناوە کۆمەڵگای جەهانی وە تایبەت ئامریکا و ئسرائیل باس لەوە کەن ک نیەلێن ڕێژم وە یە فرەتر بچوودە نوا و دەسڕەسی پەیدا نیەکەی وە بومب هەستەیی و هەر ڕێێگ گرنە وەر تا ڕێژیم جومهوری ئسلامی نەودە دەسەڵاتییگ خاون تەقەمەنی هەستەیی.
لە لاییگ ئامریکا و کۆمەڵگای جەهانی وە تەحریمەگان و لە لای تریش ئسرائیل وە تەقانن پایگاگانێ ڕێژیم لە ناوچەگە و کوشتن سەرکەردەیل ترۆریست و تەقاننێ پایگایەیل مووشەکی لە ناو ئێران، درن هەوڵ دەن ڕێژم لاواز بکەن و ئەو دو وڵاتە وە هەوڵەیل دیپلوماتیک و پەیوەندییە ناو نەتەوەییەگان، نووڕین کۆمەڵگای جەهانی درن وەرەو ئەو مەسیرە بەن ک ئی ڕێژمە دژایەتی ئەمنیەت و ئاسایش جەهانی کەی و سەرچاوەی ترۆریزمە.
هەرچەند لەبارەی ماهیەت ڕێژیم جومهوری ئسلامی خەڵق و ئوپوزوسیون ئێران وە تایبەتی ئوپوزیسیون کوردستانی لە زیویەو باس لەوە کەن ک ئی ڕێژیمە دژ ماف مرۆڤە و وە نوڕینی ئیدئولوژیک توای دونیا داگیر بکەید و ئەمنیەت و ئاسایش جەهان شیونێد، وەلی ئەوەیکێ ئیسکە درن وەو باوەڕە ڕەسن کارییەو ڕێژیم کەفتیەسە تەنگانە.
ڕێژیم جومهوری ئسلامی وە پەی سیاسەتەگانی کەفتیەسە قەیران ناوخوەیی و دەرەوە و لە چەن ڕووژێ لەیەوەری کۆمەڵییگ ڕووداو سەرهەڵدانە ک نیشانەی قەیرانە ئەڕای نموونە:
کارەساتێ قەتارێ مەشهەد-تاوریز
ڕاگەیاندنێ نەفتالی بنت ئەڕای بڕین سەر ئوختاپوس لە تاران
سەفەر مادورو ئەڕای تاران
باس لە حەق تەقە کردن وە ناڕازییەل لە پارلمان ڕێژیم
هەڵاماتەیل ترۆریستی سپای پاسداران لە عەراق ق ئمارات و حەملەی مووشەکی وە هەریم کوردستان
کوژاننێ بڕییگ لە دوربینەیلێ ئاژانسێ هەستەیی لە نیروگایەیل
پەروازێ چەند فڕۆکەی بی ٥٢ و ئسکورت کردنیان ەوگەردێ چەند ئێف ١٦ی ئسرائیل لە ئاسمان ئێران
ئەگەرێ دەسوەسەر گردنێ نەفتکشەیل فرەتر لە لایەن ڕێژم
وساننێ پەروازەیل فرودگای دەمشق لە دوای هەڵامتەیل ئسرائیل
سەفەرێ وەزیرێ یەکەمێ ئسرائیل ئەڕای ئمارات
دامەرزاننێ سامانەی ڕاداری پیشکەفتێ ئسرائیل لە بەحرەین و ئمارات
داواکاری کۆماریخوازەیل و بڕێگ لە دموکراتەیل ئامریکا ئەڕای کردەیی کردنێ تەرح بی وە دژ ئیران
پەسەن کردنێ یاسای نواگردن لە پەهپادەیل ڕێژم لە سنای ئامریکا
پەسەن کردنێ بڕیارنامە لە دژ ڕێژیم ئێران لە شورای ئاژانس ناونەتەوەیی ئەتومی و کۆمەڵییگ باس و بابەت ترەک چ لا ناو ئێران و چ لە دەروە ک یەخەی ڕێژیم گردیە.
لە لای تریش هاز سەرەکی لە ئێران ئەڕای ڕماننێ ڕێژیم کە نەتەوەگانی ناو جوغرافیای سیاسی ئێرانن، وە بەردەوامی هانە سەر خیاوانەگان و نڕزایەتی خوەیان وە نسبەت ئی دەسەڵاتە درن نیشان دەن و لە دریژەی دەسەڵاتداری ڕێژیم جومهوری ئسلامی تا ئێرنگە، ئەوقەرە ڕێژیم لە قیران نەیوە و سووکایەتی وە پەی نەکریاس.
ئەڕای نموونە ئسرائیل لە دەسوەپێکردنێ هەڵامتەگانی وە دژ ڕێژم وە مووشەک و فڕۆکە بی و ڕەسییە کولت و خستنە خوارێ ترۆریستەگانێ لە بان ماڵ و ئی کردەوەیلە شوعارەیل ڕێژیم وە نسبەت هاز و ئەمنیەتی وە تەمامی سووک کردیە لە ناو کۆمەلگای جەهانی.
وە گشتی هاز سەرەکی خەڵق ئێرانن ک ئرادە کردنە و کەمەر بەسانە ئەڕای ڕمانن و لە بەین بردنێ ئی ڕێژیمە و کۆمەلگای جەهانیش فرەتر لە جاران وەو باوەڕە ڕەسییە ک سەرچاوەی ترۆر و یەکییگ لە دەسەڵاتەیل نائەمنی جەهانی ڕێژیم جومهوری ئسلامییە.
