بزووتنەوەی نوێبوونی کوردستان بەبۆنەی ٢٥ی گەلاوێژ، ٧٥ـەمین ساڵڕۆژی دامەزراندنی حیزبی دێموکراتی کوردستانی ئێران، پەیامی پیرۆزبایی خۆی بۆ حیزب نارد.

دەقی پەیامەکە بەم چەشنەیە:

زۆر بەڕێز "مستەفا هیجری" لێپرسراوی گشتیی حیزبی دێموکراتی کوردستانی ئێران

بابەت/ برووسكەى پيرۆزبايى

سڵاوی سەربەخۆیی و ئازادی...

بەبۆنەی ساڵڕۆژی دامەزراندنی حیزبە تێکۆشەرەکەتان (حیزبی دێموکراتی کوردستانی ئێران)  گەرمترين و جوانترین پيرۆزبايى ئاراستەی بەڕێزتان و سەرکردایەتی و گشت ئەندام و دۆست و جەماوەرتان دەكەين، داواكاریی پێشڤەچوون و سەركەوتنى بەردەوام بۆ حیزبی دێموکراتی کوردستانی ئێران دەخوازين، ئەو بۆنە بە دەرفەت دەزانين جارێكى تر جەخت لەسەر پتەوكردن و بەرەو پێشەوە بردنى پەيوەندیی دۆستانەى نێوان (بزووتنەوەی نوێبوونی کوردستان و حیزبی دێموکراتی کوردستانی ئێران) دۆست و هاوپەیمان دووپات بكەينەوە لەپێناو خزمەتكردن بە ئامانج و بەرژەوەنديیە باڵاكانى گەلى كوردستان.

ئەنجومەنی سەرکردایەتی

بزووتنەوەی نوێبوونی كوردستان

١٠ی ئاگوستی ٢٠٢٠ی زایینی