دەزگای پێوەندییە گشتییەکانی حیزبی دێموکراتی کوردستانی ئێران بەبۆنەی ساڵڕۆژی کۆچی دوایی هەڤاڵ "حەمید دەروێش" پەیامێکی بۆ مەکتەبی سیاسیی پارتی دێموکراتی پێشڤەرۆی کورد ـ سووریا نارد.
دەقی پەیامەکە بەم چەشنەیە:
بەڕێز: مەکتەبی سیاسیی پارتی دێموکراتی پێشڤەرۆی کورد ـ سووریا
وێڕای سڵاوێکی دۆستانە
هیوادارین لە خەبات بۆ وەدیهێنانی ئامانجەکانی گەلی کورد لە ڕۆژئاوای نیشتماندا سەرکەوتوو بن.
بەڕێزان!
ڕۆژی ٢٤ی ئۆکتۆبری ٢٠٢٠ ساڵیادی کۆچی دوایی تێکۆشەری دێرینی گەلەکەمان و سکرتێری ماندوونەناسی پارتە شۆڕشگێڕەکەتان مامۆستا "حەمید دەروێشـ"ـه.
بەم بۆنەوە بە ناوی ڕێبەرایەتیی حیزبی دێموکراتی کوردستانی ئێران بە پێویستی دەزانین سڵاوی ئەمەگناسی و ڕێز و وەفامان پێشکەش بە گیانی پاکی ئەو خەباتگێڕە سەربەرزەی گەلەکەمان بکەین و لەگەڵ ئێوە هەڤاڵانی بەڕێز و درێژەدەرانی ڕێگا و ڕێبازی کاک حەمید دەروێش هاودەردی بکەین و هیوای سەرکەوتن بۆ وەدیهێنانی ئامانج و ئاواتەکانی بخوازین و لەسەر پێوەندیی دۆستانەی هەر دوو حیزبی دۆست و برایش، لە بەرەوپێشبردنی ئامانجە هاوبەشەکانمان جەخت بکەینەوە.
بەرز و بەڕێز بێت یاد و ناوی خەباتگێڕی گەلەکەمان هەڤاڵ حەمید دەروێش
حیزبی دێموکراتی کوردستانی ئێران
دەزگای پێوەندییە گشتییەکان
محەممەدنەزیف قادری
