ناوەندی ھاوکاریی حیزبەکانی کوردستانی ئێران سەبارەت بە کۆچی دوایی کاک لوقمان مێھفەر ئەندامی ناوەندی سیاسی حیزبی دێموکراتی کوردستانی ئێران پەیامی پرسە و هاوخەمییان بۆ حیزب نارد.
دەقی پەیامەکە بەم چەشنەیە:
بە داخ و پەژارەیەکی زۆرەوە، پەتای کرۆنا بووە ھۆکاری گیانلەدەستدانی کاک لوقمان مێھفەر تێکۆشەری دێرین و ئەندامی سەرکردایەتیی حیزبی دیمۆکراتی کوردستانی ئێران.
کۆچی دوایی کاک لوقمان مێھفەر وەک خەباتگێڕێکی ماندوونەناس، دوای چل ساڵ تێکۆشان، بۆ ناوەندی ھاوکاری خەمێکی گەورە و گران بوو.
ناوەندی ھاوکاریی حیزبەکانی کوردستانی ئێران وێڕای پرسە و سەرەخۆشی لە بنەماڵەی کاک لوقمان مێھفەر و ئەندامانی سەرکردایەتیی حیزبی دێموکراتی کوردستانی ئێران و ھاوڕێ و ھاوسەنگەرانی، خۆمان بە شەریکی خەمیان دەزانین.
بێگومان لەدەستدانی ھاوڕێیانی دێرین و تێکۆشەری وەکوو کاک لوقمان مێھفەر خەسارێکی گەورەیە لە بزووتنەوەی ڕزگاریخوازانەی گەلی کورد لە کوردستانی ڕۆژھەڵات.
ناوەندی ھاوکاریی حیزبەکانی کوردستانی ئێران
١٠/٠٤/٢٠٢١
٢١/٠١/١٤٠٠
