پێشمەرگەکانی شار لە سەقز بەنیسبەت شەهیدبوونی کەسایەتی خۆشەویست‌ و شۆڕشگێڕ، كاک "لوقمان مێهفه‌ر" پەیامێکیان بڵاو کردەوە.

دەقی پەیامەکەم بەم چەشنەیە:

پەیامی پرسه ‌‌و سەرەخۆشیی پێشمه‌رگه‌كانی‌ شار له‌ شاری‌ سه‌قز بەبۆنەی شه‌هیدبوونی‌ کەسایەتی و خۆشەویست‌ و شۆڕشگێڕ، كاک لوقمان مێهفه‌ر

به‌ڕێز لێپرسراوی گشتیی حیزبی‌ دێموكراتی‌ كوردستانی‌ ئێران

به‌ڕێزان ئه‌ندامانی‌ بنه‌ماڵه‌ی‌ كاک لوقمان مێهفه‌ر

به‌ڕێزان هاوڕێیانی‌ شۆڕشگێڕ ‌و دڵسۆزەکانی نێو جه‌رگەی خەبات

به‌ڕێزان کەسایەتی و بنەماڵەی سەربەرزی شەهیدان و زیندانیانی خۆڕاگری سیاسی و پێشمەرگەکانی نێو شار

بەبۆنەی شەهید بوونی کەسایەتی ناودار و ئەندامی هەیئەتی ئیجرایی ناوەندی سیاسی و فه‌رمانده‌یه‌كی‌ ڕاسان کاک لوقمان مێهفەر، پرسە و سەرەخۆشیی خۆمان ئاراسته‌ی‌ ئێوه‌ ده‌كه‌ین و خۆمان بە هاوبەشی ئه‌و خه‌مه‌ قووڵه‌ دەزانیین و هیوادارین دوایین خەسار و کۆسپی ئه‌م شۆڕشه‌ بێ‌.

شه‌هیدبوونی‌ هاوڕێمان كاک لوقمان مێهفه‌ر خەسارێکی گەوره‌یه‌ بۆ بزووتنه‌وه‌ حه‌قخوازانه‌كه‌مان ‌و به‌و بۆنه‌وه‌ ئێمه‌ پێشمه‌رگه‌كانی‌ شار له‌ شاری‌ سه‌قز؛ لەگەڵ‌ سەرجەم شەهیدان و به‌تایبه‌ت شه‌هیدى تازه‌ی‌ گه‌له‌كه‌مان شه‌هید لوقمان مێهفه‌ر پەیمان نوێ دەکەینەوە کە هەتا دوا دڵۆپە خوێنمان درێژەدەری ڕێگایان بین و به‌ڵێن ده‌ده‌ین لە هیچ کات و ساتێکدا سەنگەری خەبات و ئه‌م ڕێبازه‌ پڕسه‌روه‌رییه‌ چۆل نه‌كه‌ین و درێژە دەری ڕێگای بین.

پڕ ڕێبوار بێ‌ ڕێگای‌ هه‌موو شه‌هیدان به‌ تایبه‌ت كاک لوقمان مێهفه‌ر ئەندامی هەیئەتی ئیجرایی ناوەندی سیاسی و فه‌رمانده‌یه‌كی‌ ڕاسان

سەرکەوتوو بێت ڕاسانی شار و شاخ

پێشمه‌رگه‌كانی‌ نێو شار لە سه‌قز

شەممه ٢١ی خاکەلێوه ٢٧٢١ی کوردی