پارتی سەربەخۆیی کوردستان بەبۆنەی ٢٥ی گەلاوێژ ساڵڕۆژی دامەزراندنی حیزبی دێموکراتی کوردستانی ئێران لە پەیامێکدا پیرۆزبایی ئەو بۆنەیەی لە حیزب کرد.
دەقی پەیامەکە بەم چەشنەیە:
بە ناوی کوردستانی گەورە
بەڕێز: هەڤاڵانی ڕێبەری، کادر و پێشمەرگەکانی حیزبی دێموکراتی کوردستانی ئێران
بەبۆنەی ٧٥ـەمین ساڵوەگەڕی دامەزراندنی حیزبی دێموکرات، گەرمترین پیرۆزبایی خۆمان ئاراستەی هەموو تێکۆشەرانی ڕیزەکانی حیزبی دێموکرات دەکەین.
پارتی سەربەخۆیی کوردستان لەسەر بنەمای گوتار و هزری نەتەوەیی هەوڵ دەدات پەیوەندییەکی دۆستانە و برایانە لەپێناو بەرژەوەندیی گەلەکەمان لەگەڵ هەموو هێز و لایەنەکانی ڕۆژهەڵاتی کوردستان ڕێک بخات و هەوڵمان یەکڕیزیی نێو ماڵی کوردە و هیوادارین بە خەمخۆریی هەموو لایەکمان ئەو تەباییە بێتە ئاراوە.
لە کۆتاییدا جارێکی تر پیرۆزبایی خۆمان لە ناخی دڵەوە پێشکەش بە هەموو خوشک و برایانی تێکۆشەری ڕیزەکانی حیزبی دێموکراتی کوردستانی ئێران دەکەین و هیوای سەرکەوتنتان لە گشت بوارێکدا بۆ بە ئاوات دەخوازین.
دەفتەری سیاسی
پارتی سەربەخۆیی کوردستان
١١ی ئاگوستی ٢٠٢٠ی زایینی
