پێشمەرگەکانی شار لە پاوە بەبۆنەی ٢٥ی گەلاوێژ، ٧٥ـەمین ساڵڕۆژی دامەزراندنی حیزبی دێموکرات، پەیامی پیرۆزباییان بۆ حیزبی دێموکرات نارد.
دەقی پەیامەکە بەم چەشنەیە:
بە ناوی خاکی پیرۆزی نیشتمانم
سڵاو لە شەهیدانی حیزبی دێموکراتی کوردستانی ئێران
ئێمە وەکوو پێشمەرگەکانی شار لە ناوچەی پاوەی قەڵای دێموکراتەوە، پیرۆزبایی٧٥ـەمین ساڵڕۆژی دامەزرانی حیزبی دێموکرات لە هەموو خەڵکی کوردستان، شەهیدان و بنەماڵەی سەربەرزیان، کادر و پێشمەرگە و ئەندامانی ئەو حیزبە و زیندانییە سیاسییەکان دەکەین.
لە ٧٥ـەمین ساڵی خەباتی بێوچان دووپاتی دەکەینەوە کە لە ڕێبازی دێموکرات دەست هەڵناگرین و وەکوو ئەندامانی هەمیشە تینووی ڕزگاری و سەربەخۆیی ناوچەی "پاوە"، هەر بڕیارێک کە سەرکردایەتیی حیزب بیدات بەوپەڕی دڵسۆزی و ئەمەگناسییەوە جێبەجێی دەکەین.
بە ئەرکی خۆمانی دەزانین دیسانەوە لەگەڵ ڕێبەرە مەزنەکەمان و حیزبەکەمان، پەیمانی وەفاداری نوێ بکەینەوە.
ئێمە هەروەها تۆپبارانکردنی بنکەکانی هێزی پێشمەرگەی کوردستان لەلایەن سپای تێرۆریستی پاسدارانەوە مەحکووم دەکەین و بۆ تۆڵەکردنەوە ئامادەی فەرمانی حیزبین بۆ چالاکی لە نێوخۆی ڕۆژهەڵات.
سەرکەوێ ڕاسان
بژی دێموکرات
سەرکەوێ خەباتی کورد
بڕووخێت ڕێژیمی کۆنەپەرست
پێشمەرگەکانی شار لە پاوە
٢٠ی گەلاوێژی ١٣٩٩
