کوردستان میدیا

ماڵپەڕی ناوەندیی حیزبی دێموکراتی کوردستانی ئێران

پەیامی پێشمەرگەکانی شار لە سەقز بەبۆنەی ٢٢ی پووشپەڕ

19:04 - 21 پووشپەڕ 2720

كۆمه‌ڵێک له‌ پێشمه‌رگه‌كانی‌ شار لە سه‌قز به‌بۆنه‌ی‌ ساڵڕۆژی‌ تێرۆركرانی‌ شه‌هید "دوكتور قاسملوو" پەیامێکیان بڵاو کردەوە و لەگەڵ ڕێبازی شەهیدان پەیمانیان نوێ کردەوە.

دەقی پەیامەکە بەم چەشنەیە:

دیسان ٢٢ی پووشپەڕ هاتەوە و دیسان ناخی خەڵکی کوردستان بە لەرزە دێنێت، به‌ڵام دڵی کوردستان بەهێز دەبێت کە بە تێرۆر و شەهیدکرانی ڕۆڵە بەجەرگەکانی کورد و کوردستان ناتوانن خەباتمان كۆتایی‌ پێ‌ بێنن.

ئێمه‌ ڕۆژ بە ڕۆژ خەباتمان زیاتر درێژەی دەبێت و زیاتر لە جاران پابەندین بە بیروبڕواکەمان، چونکە ئێمە لە نیشتماندا دەژین‌ و نیشتمانیش لەنێو دڵی ئێمەدا.

ئێمە پێشمەرگە نهێنییەکانی نێو شاری سەقز تێرۆری پێغەمبه‌ری ئاشتی "دوکتور عه‌بدولڕه‌حمان قاسملوو" مەحکووم دەکەین و دیسانەوە بە دوژمنانی کورد و کوردستان ده‌ڵێین کە وا بیر نەکەنەوە بە شەهیدکرانی ڕۆڵە بە جەرگەکانی کوردستان خەباتمان كۆتایی‌ پێ‌ دێت‌.

بڕووخێت ڕێژیمی‌ پەت‌ و سێدارە

مەرگ‌ و نەمان بۆ ڕێژیمی‌ ئاخوندی و کۆنەپەرستی ئێران

بیرت زیندوو و ڕێگات پڕ ڕێبوار ئەی پێغەمبەری ئاشتی

بژی کورد و کوردستان

بژی پێشمەرگەکانی شار و شاخ

بژی ڕاسان