پێشمەرگەکانی شار لە سەقز بەبۆنەی ٢٢ی پووشپەڕ، ساڵڕۆژی شەهیدکرانی دوکتور ''قاسملوو'' و هاوڕێیانی پەیامێکیان بڵاو کردەوە و بەڵێنیان دا کە هەتا وەدیهێنانی ئاواتە مەزنەکانی قاسملووی ڕێبەر دەست لە خەبات و تێکۆشان هەڵناگرن.
دەقی پەیامە بەم چەشنەیە:
بنەماڵەی سەربەرزی شەهیدان، زیندانییە خۆڕاگرەکان، پێشمەرگە قارەمانەکانی سەنگەری شاخ و شار، لە شاری سەقزی هەمیشە دێموکراتەوە سڵاوی گەرم و شۆڕشگێڕانەتان بۆ دەنێرین .
لە ساڵڕۆژی شەهیدکرانی ڕێبەری بلیمەت و هەڵکەوتەی نەتەوەکەمان و هاوڕێی شۆڕشگێڕ و ماندویینەناس شەهید ''عەبدوڵڵا قادری ئازەر'' پەیمان لەگەڵ ئێوە و هەموو شەهیدانی حیزب و گەل نوێ دەکەینەوە.
ئێمە بەڵێن دەدەین هەتا دوا دڵۆپی خوێنمان درێژەدەری ڕێبازی پڕ لە شانازیان بین و بۆ وەدیهێنانی ئاواتە مەزنەکانی ''قاسملوو''ـی ڕێبەرمان دەست لە خەبات و تێکۆشان هەڵنەگرین .
۲۲ی پووشپەڕ خاڵێکی ڕەشە بە ناوچاوانی کۆماری تیرۆریستی ئیسلامیی ئێرانەوە و وڵاتانی قازانج‌پەرەستی جیهان. ڕووداوی دڵتەزێنی پووشپەڕ ئەزمونێکی تاڵ و گەورەیە بۆ نەتەوەی کورد کە ڕێژیمی ئاخوندی بە هیچ شێوەیەک جێگای بڕوا پێکردن نییە، ئەو ڕێژیمە بۆ لەنێوبردنی کورد هەموو کارێک دەکات و ئەوەی کە هەتا ئێستا نەیکردوە ئەو کارانەیە کە لە دەستی نایەت .
سڵاو لە ڕووحی شۆڕشگێڕ و ئاشتیخوازی دوکتور قاسملوو
مەرگ و نەمان بۆ ڕێژیمی تیرۆریستی ئاخوندی
پێشمەرگەکانی شار لە سەقز
