ڕۆژنامەی "تایمز" بڵاوی کردووەتەوە، چالاکانی مەدەنیی سکاتلەند داوایان لە پۆلیسی ئەو وڵاتە کردووە کە لە کاتی چوونی "ئیبراهیم ڕەئیسی" سەرکۆماری ڕێژیمی ئێران بۆ "گلاسکۆ"، دەسبەسەری بکەن.
بڕیارە لە بیست و شەشەمین دانیشتنی گۆڕانکاریی هەرێمیی ڕێکخراوی نەتەوەیەگرتووەکاندا کە لە ڕۆژەکانی ١٠ و ١١ی خەزەڵوەر لە شارە "گلاسکۆ"ـی سکاتلەند بەڕێوە دەچێت، "ئیبراهیم ڕەئیسی" بۆ یەکەم جار لە ماوەی هاتنە سەر کاری وەک سەرکۆماری دەوڵەی سێزدەهەم سەفەری دەرەوەی ئێران بکات و لەو دانیشتنەدا بەشداری بکات.
بەپێی ئەو بڵاوکراوەیە ژمارەیەک لە خزم و کەسی قوربانییانی ئەشکەنجە و لەسێدارەدراوانی ئێران، لە داواکارییەکی فەرمیدا بۆ پۆلیسی سکاتلەند خوازیارن لە کاتی چوونی "ڕەئیسی" بۆ ئەو وڵاتە دەسبەسەر بکرێت.
"ئیبراهیم ڕەئیسی" ساڵی ١٣٦٧ یەکێک لە ئەندامانی "هەیئەتی مەرگ" بووە و ڕاستەوخۆ بەشداریی لە کوژرانی زیندانییانی سیاسی کردووە.
هەروەها "تایمز" لە زاری "ئێستران ئێستیونسون" سیاسەتمەدار و نوێنەری پێشووی سکاتلەند لە پارلمانی ئورووپا بڵاوی کردووەتەوە کە ئەو داواکارییە فەرمییەی بۆ پۆلیسی وڵاتەکەی ناردووە.
