کوردستان میدیا: ئەندامانی حیزبی دێموکراتی کوردستانی ئێران لە گوندی تەنگیسەر، چالاکیی تەبلیغییان بە بۆنەی کرانەوەی تیشک بەڕێوە برد.
ڕۆژی چوارشەممە، ٨ی ڕەشەمە، ئەندام و لاینگرانی حیزب لە گوندی تەنگیسەری هەمیشە دێموکرات، بە هەڵکردنی ئاڵای کوردستان و لۆگۆی تەلەفزیۆنی تیشک پاڵپشتی و پشتگیریی خۆیان بۆ حیزب و کرانەوەی تەلەفزیۆنی تیشک دەربڕی.
دواتر کاتژمێر ٣ی پاشنیوەڕۆی هەر ئەو ڕۆژە، لە لایەن جاش و خۆفرۆشەکانی ڕێژیمەوە ئەو ئاڵا و لۆگۆوەکە داگیراوە.
خەڵکی ئازادیخواز و نیشتمانپەوەری کوردستان، ئەندامان و لایەنگرانی حیزبی دێموکراتی کوردستانی ئێران، لە شارەکانی ئیران و کوردستان، لە دوای هەواڵی دەسپێکردنەوەی بەرنامەکانی تەلەفزیۆنی تیشک لەسەر ماهوارە، بە شێوەی جۆراوجۆر پاڵپشتیی خۆیان دەر بڕیوە.
لە ماوەی ڕابردوودا، بە بۆنەی دەستپێکردنەوەی کاناڵی تیشک تیڤی، کۆمەڵێک چالاکیی لە شار و گوندەکانی ڕۆژهەڵاتی کوردستان بەڕێوە چووە، کە لەگەڵ دژایەتی هێزە نیزامییەکانی ڕێژیم بەرەوڕوو بوونەتەوە.
کاناڵی تیشک لە ماهوارە لە ڕێڕەوی "یاهسات" لەسەر فرێکانسی ١٢٥٩٤ لە ماهوارەی"HD" و سیمبولرایتی ٢٧٥٠٠ وەر بڵاو دەبێتەوە.
