کوردستان میدیا: پێشمەرگەکانی شاری حیزبی دێموکرات، لە شاری بانە و بۆکان چالاکیی تەبلیغییان بەڕێوە برد.
ڕۆژی چوارشەممە، ٢٢ی جۆزەردان، پێشمەرگەکانی شار و ئەندامانی حیزبی دێموکرات، بە نووسینی دروشم، هەڵکردنی ئاڵای پیرۆزی کوردستان و دانانی جامانە ـ هێمای پێشمەرگەـ شەقام و شارەکانی بانە و بۆکانیان ڕازاندەوە.
ئەو دروشمانەی کە لەسەر دیوارەکانی شاری بۆکان نووسرابوون بریتین: بژی قاسملوو، بژی ڕاسان و قاسملوو ڕێگات درێژەی هەیە.
هەروەها ئەندامانی حیزبی دێموکرات لە شاری بانە، لە یەکێک لە بەرزایییەکانی ئەم شارە، بە هەڵکردنی ئاڵای پیرۆزی کوردستان و دانانی جامانە، پەیمانیان لەگەڵ ڕێبازی شەهیدان نوێ کردەوە و جەختیان کردەوە، کە تا وەدیهاتنی ئامانجەکانیان لە خەبات بەردەوام دەبن.
