بەپێی سەرچاوە خۆجییەکان لە پیرانشار، ڕۆژی سێشەممە ڕێکەوتی ٢٥ی خەرمانان، ٥ کەس لە گوندی ''سێوی گەدە'' سەر بە شاری پیرانشار کە بە دوای دۆزینەوەی ئاسەواری مێژووییەوە بوون، لەنێوان خۆیاندا تووشی شەڕ بوون کە چەند کوژراو و برینداری لێکەوتەوە.
لەو شەڕەدا کە لەنێوان ئەو ٥ کەسە ڕوویداوە، دوو کەس بە ناوەکانی ''یاسین تەها ڕەشی و سیروان مەلا'' کوژراون.
هەروەها بەپێی سەرچاوەکان کەسی سێیەم بە ناوی ''یادگار مەلا'' لەو شەڕەدا بەتوندی بریندار بووە و دۆخی تەندروستیی ناوبراو ناجێگر ڕاگەیەندراوە.
ئەو ٣ کەسە لەلایەن کەسێک بە ناوی ''مەجید'' کە خەڵکی تاران بووە، وێڕای کەسێکی دیکە کە هەتا ئێستا شوناسی ئاشکرا نەبووە، تەقەیان لێکراوە.
بەپێی سەرچاوەکان ئەو دوو کەسە دوای کوشتن و بریندارکردنی ئەو ٣ کەسە، لە شوێنی ڕووداوەکە ڕایانکردووە و هیچ زانیارییەکیان لەسەر نییە.
