ڕۆژی شەممە ڕێکەوتی ٢٠ی خەرمانان، لە نزیک گوندی "ئسوو کەند" سەر بە شاری "مەهاباد" لە ڕێگای "مەهاباد – ورمێ" لە ڕووداوێکی هاتوچۆدا ٤ کەس گیانیان لەدەست دا.
ئەو ڕووداوە بەهۆی پێکدادانی ماشینێکی پێژۆ ٤٠٥ لەگەڵ دوو ماشینی پڕاید و سانتافا ڕووی داوە کە گیانلەدەستدانی ٤ کەسی لێ کەوتەوە.
هەروەها ڕۆژی پێنجشەممە ١١ی خەرمانانی ١٤٠٠ی هەتاوی، بەهۆی هەڵدێرانی مینیبووسێک لە نزیک گوندی "پاڵنگان" سەر بە کامیاران، گیانلەدەستدانی ١٦ کەس و ٨ برینداری خەڵکی گوندی "پیرسەفا"ی "مەریوانـ"ـی لێ کەوتەوە.
ساڵانە بەهۆی ناپێوەرمەندبوونی ڕێگاوبانەکانی کوردستان و پێڕانەگەیشتن بە بارودۆخی ڕێگا و بانەکان لەلایەن کاربەدەستانی ڕێژیمی ئێرانەوە، خەڵکێکی زۆر بەهۆی ڕووداوەکانی هاتوچۆوە، گیانیان لەدەست دەدەن.
