بەرپرسێکی ژووری بازرگانی ڕێژیمی ئێران وتوویەتی، "بانکە ڕووسییەکان لە ئاڵوگۆڕی کارە بانکییەکان لەگەڵ بازرگانەکانی ئێران بەهۆی"ئێف ئێی تی ئێفـ"ـەوە خۆیان دەبوێرن و کارەکانیان بەڕێ ناکەن".
ڕۆژی سێشەممە ١ی ڕەزبەر، "پێدرام سوڵتانی" ئەندامی شورای گشتیی فیدراسیۆنی جیهانی ژووری بازرگانیی ڕێژیم وتوویەتی: "ئەو هەوڵەی بانکەکانی ڕووسیەی بۆ بوونی ناوی ئێران لە نێو لیستی ڕەشی سپیکردنەوەی پارە "ئێف ئای تی ئێف" گەڕاندووەتەوە".
هەروەها "مەجید ڕەزا" سەرۆکی ژووری بازرگانیی ئێران و چین لە مانگی ڕابردوودا ڕایگەیاندبوو: "ئاڵوگۆڕی بانکیی بازرگانیی ئێران لە ڕێگەی بانکەکانی وڵاتی چینەوە ڕاگیراوە".
ناوبراو هۆکاری ئەو کارەی ڕووسیە و چینی بۆ گەمارۆ بانکییەکانی ئامریکا و قبووڵ نەکردنی یاسای نێودەوڵەتیی ڕووبەڕووبوونەوە لەگەڵ سپیکردنەوەی پارە لەلایەن ئێرانەوە، گەڕاندووەتەوە.
وڵاتی چین لە ئێستادا گەورەترین هاوپشکی بازرگانیی ئێران دێتە ئەژمار و بەپێی ڕاپۆرتی گومرکی ئێران؛ چین لەماوەی ٥ مانگی سەرەتای ئەمساڵدا ٣.٥ ملیارد دۆلار کەلوپەلی هەناردەی ئێران کردووە و ئەو هەوڵە تازەیەی لەگەڵ ڕووسیە دژی ڕێژیمی ئێران ئابوورییە داڕماوەکەی ڕێژیم زیاتر تێکدەڕووخێنێت.
