بەپێی هەواڵی گەیشتوو بە ماڵپەڕی "کوردستان میدیا" هاووڵاتییان لە شاری سنە لەگەڵ کەمیی نەخۆشخانە و کەرەستەی پزیشکی بەرەوڕوونە.
لە نەخۆشخانەی "کەوسەر"ی ئەو شارە سەرەڕای نەبوونی کەرەستەی پێویستی پزیشکی، بۆ نموونە دەزگای سۆنۆگرافیی ئەو نەخۆشخانە لە شەو و ڕۆژێکدا تەنیا چەند نەخۆشی پێ ویزیت دەکرێت و باقی نەخۆشەکانیش دەبێت چاوەڕوانی ڕۆژێکی دیکە بمێننەوە.
کاتێک نەخۆشەکان ڕەخنە لەو دۆخە دەگرن بەرپرسان پێیان دەڵێن سەبرتان هەبێت.
هه‌روه‌ها پزیشكی پسپۆڕ لە نەخۆشخانەکانی ئەو شارە زۆر کەمە و ئەوانەی کە هەشن تەنیا چەند کاتژمێر کار دەکەن، بەشێک لە نەخۆشەکان ناچارن بۆ چارەسەری پزیشکی بڕۆنە پارێزگاکانی دیکە.
نەبوونی نەخۆشخانە، کەرەستەی پزیشکی و پزیشکی پسپۆر لە سنە لە حاڵێکدایە کە سنە ناوەندی پارێزگایە و نەخۆشانێکی زۆر لە شار و گوندەکان سەردانی نەخۆشخانەی سنە دەکەن.
بەشێکی زۆر لە پزیشک و پەرەستارانی پسپۆر لە نەخۆشخانەکان بەو پەڕی دڵسۆزییەوە کار دەکەن بەڵام بەهۆی ئەوەیکە بەڕێوەبەرانی نەخۆشخانەکان کەسانی سەر بە ڕێژیمن گرینگی بە دۆخی نەخۆشخانە و نەخۆشەکان نادەن.
