لە ناوچەی "تەرگەوەڕ" سەر بە پارێزگای ورمێ کاربەدەستانی ئیدارەی سەرچاوە سروشتییەکان پێشیان بە کاری کاسبکاران و بێڕێزییان بە کاسبکارە دەستفرۆشەکان کردووە.
ئەو کاسبکارە دەستفرۆشانە گیا و گوڵی وەرزی بەهاریان لە سێڕای ناوچەی "تەرگەوەڕ" بۆ فرۆشتن داناوە کە لەلایەن کاربەدەستانی سەرچاوە سروشتییەکانەوە گیا و گوڵەکانیان فڕێ دراون و بێڕێزییان پێ کردوون.
پارێزگای ورمێ لە بواری گیا و گوڵی بەهارییەوە دەوڵەمەندە و ساڵانە لە وەرزی بەهار خەڵک ڕوو لە سروشت دەکەن و بە شێوەی دەستفرۆشی لەسەر شەقامەکان دەیانفرۆشن.
ئەو گیا و گوڵانە وەک سەرچاوەیەکی داهاتی زۆربەی خەڵکی ئەو ناوچەیەیە.
