ڕێژیم ترسی لە یەکدەنگی و یەکگرتوویی خەڵک هەیە و هەڕەشەی لە دووکانداران کردووە نابێ جلوبەرگی خاکی بفرۆشن.
بەپێی هەواڵی گەیشتوو بە ماڵپەڕی "کوردستان میدیا"، هێزەکانی ئیتلاعات بە دووکاندارەکانی شاری "مەریوانـ"ـیان ڕاگەیاندووە کە نابێ جلوبەرگی خاکی، هەوری و جامانە بە خەڵک بفرۆشن.
هەموو ساڵێک لە کاتی نزیکبوونەوە لە نەورۆزدا خەڵک بە پۆشینی جلوبەرگی خاکی، هەوری و جامانە پشتیوانی لە پێشمەرگە دەکەن و دژی ڕێژیمی کۆماری ئیسلامیی ئێران ناڕەزایەتی دەردەبڕن.
دوای ئەوەیکە لە کاناڵی ٢ی دەنگ و ڕەنگی ڕێژیمی ئیسلامیی ئێراندا بێڕێزی بە جلوبەرگی کوردی کرا کاردانەوەی خەڵکی کوردستانی لێ کەتەوە.
هاوکات پێشمەرگەکانی هێزی پێشمەرگەی کوردستان بەنیسبەت ئەو کردەوەیەی دەنگ و ڕەنگی ڕێژیمی ئێران هەڵویستیان گرت و ڕێژیمی ئێرانیان مەحکووم کرد.
