کوردستان میدیا: کاربەدەستانی ڕێژیمی ئیسلامیی ئێران لە درێژەی هەوڵەکانیان بۆ سیخوڕی بەسەر خەڵکی کوردستاندا، پیلان و ڕێگەی جۆراجۆریان گرتووەتە بەر.
بەپێی هەواڵی گەیشتوو بە ماڵپەڕی کوردستان میدیا، ڕێژیمی ئێران لە کوردستان، سیمکارتی "ئێرانسێل" بەخۆڕایی بڵاو دەکاتەوە.
هاوکات ئینترنێتی ئەو سیمکارتانەش هەمووی خۆڕایی و بێسنوورە و هیچ بەربەستێکی نییە.
ڕێژیم لەو ڕێگایەوە هەوڵ دەدات سیخۆڕیی زۆرتر لەسەر خەڵکی ئەو ناوچەیە بکات و خەڵک و بەتایبەتی لاوانی ئەو ناوچەیە بخاتە ژێر چاوەدێرییەوە.
هەر لەو پێوەندییەدا، ڕۆژی هەینی، ڕێکەوتی ٢٩ی خەرمانان، لە گوندی "تەنگیسەر"ی سەر بە شاری سنه، کاربەدەستانی ڕێژیمی ئیسلامیی ئێران ڕۆیشتبوونە ئەو گوندە و به خەڵکی ئەو گوندەیان ڕاگەیاندبووکە هەر کەس بە "کارتی میللیـ"ـی خۆی دەتوانێت چەند سیمکارتی "ئێرانسێل" وەربگرێت.
بنکە و ناوەندە ئەمنییەتییەکانی ڕێژیمی ئێران بۆ سەرکوت و کۆنترۆڵی خەڵکی کوردستان، لە هەموو شێوازێک کەڵک وەردەگرن.
