ڕێکخراوی سپای تێرۆریستی پاسداران لە پارێزگای ئیلام لەگەڵ هێزە نیزامییەکانی دیکە لە چوارچێوەی مانۆڕێكدا دەستی بە کۆکردنەوەی گیرۆدەبووان بە ماددە سڕکەرەکان کردووە.
ڕێژیمی ئێران بۆ هەر کارێک کە بەڕێوەی ببات لە چوارچێوەی مانۆڕێکی نیزامیدا ئەنجامی دەدات.
لە سەرەتای بڵاوبوونەوەی ڤایرۆسی کۆرۆنا، ڕێژیمی ئێران بە دروشمی کۆرۆنا سەرکوت دەکەین، دەستی بە هەندێک کار کرد و مانۆڕی بەڕێوە دەبرد.
پاییزی ساڵی ڕابردوو، شورای بەرەنگاربوونەوە دژی ماددە سڕکەرەکان لە ئیلام ڕایگەیاند، ڕێژەی دۆزینەی ماددە سڕکەرەکان لەو پارێزگایە، ٥٠٠ بەرابەر بەرز بووەتەوە.
"زارا هیمەتی"، بەڕێوەبەری گشتیی بێهزیستیی ئیلام وتبووی، هیچ گیرۆدبووەیەکی ئاشکرامان لە ئیلامدا نییە. لە هەمان کاتدا شورای ناوەندیی بەرەنگاربوونەوە دژی ماددە سڕکەرەکان هیچ بودجەیەکی بۆ ئەو بەشە تەرخان نەکردووە.
گیرۆدەبووان بە ماددە سڕکەرەکان لە ئیلام پێویستیان بە ناوەندێکی دەرمانییە کە ڕێژیم ئەو ناوەندە دەرمانییانە دابین ناکات.
