لە ڕاپۆرتی ساڵانەی کۆڕی جیهانیی ئابووریدا سەبارەت بە بەرابەریی ڕەگەزیی "ژنان و پیاوان" وڵاتی ئیران لەنێوان ١٥٦وڵاتی جیهاندا پلەی ١٥٠ی هەیە.
ئەو ڕاپۆرتە لەسەر ڕۆڵی ژنان لە بوارەکانی: "ئابووری، پەروەردە و بارهێنان، تەندرووستی، بەشداری لە کاروباری سیاسی و ڕێژەی بەرەوپێشچوونی وڵاتان سەبارەت بە لابردنی کێشەکان لەسەر ڕێگای ژنان بۆ گەشەکردنیان" لێکۆلینەوە دەکات و ئاماری وڵاتەکان دەداتە دەرەوە.
لە ڕاپۆرتی ئەمساڵدا کردەوەی ١٥٦ وڵات لە بواری بەرابەریی "ژنان و پیاوان" خراوەتە بەرباس.
وڵاتی "ئیسلەند" لە پلەی یەکەم و وەک باشترین وڵات لە بواری بەرابەریی نێوان "ژنان و پیاوان" ناسێندراوە.
