هێزە ئینتزامییەکانی ڕێژیمی ئێران لە بۆکان هەر هاووڵاتییەک کە کاتژمێر ٩ی شەو بەولاوە بڕواتە دەرەوە جەریمە دەکات.
بەپێی زانیارییەکان، ڕێژیمی ئێران لە بۆکان بە کەڵک وەرگرتن لە کامێرای چاوەدێری، ئەو هاووڵاتییانەی کە بە ماشین دەڕۆنە دەرەوە بە بڕی ٥٠٠ هەزار تمەن جەریمە دەکات.
هاووڵاتییان باس لەوە دەکەن کە ڕێژیم پارەی نەماوە و لەو ڕێگایەوە پارەی یارانەکان کۆ دەکاتەوە.
ماوەیەک پێش ڕێژیمی ئێران بە مەبەستی پێشگرتن لە کۆرۆنا بڕیاری دا کە هاتوچۆی نێوان شارەکان ڕابگرێت، تاکوو بەم شێوەیە پێش بە بڵاوبوونەوەی زیاتری کۆرۆنا بگرێت.
