ڕێژیمی داگیرکەری ئیسلامیی ئێران لە درێژەی دەستدڕێژییەکانی خۆیدا ئەمڕۆ دەستی بە تۆپبارانی ناوچە شاخاوییەکانی هەرێمی کوردستان کردووە.
سەرلەبەیانیی ئەمڕۆ چوارشەممە، ڕێکەوتی ٢١ی بانەمەڕی ١٤٠١ی هەتاوی، بۆ جارێکی دیکە بنکە و پایەگا نیزامییەکانی ڕێژیمی تێرۆریستیی ئێران، ناوچە شاخاوییەکانی هەرێمی کوردستانیان تۆپباران کرد.
بەپێی ڕاپۆرتەکان، ڕێژیمی داگیرکەری ئێران ناوچەکانی بەربزین لە دەڤەری سیدەکان، بە گولـلەی کاتیووشا و تۆپ بە خەستی تۆپباران دەکات و ئەو تۆپبارانە درێژەی هەیە.
هێرشەکانی ڕێژیمی ئیسلامیی ئێران بۆ سەر شاخەکانی کوردستان بەردەوامە و هەر ئێستا سپای تێرۆریستی پاسداران بە چوار دڕۆن هێرشی کردووەتە سەر سمێڵان.
