لە دوایین ڕاپۆرتی کۆڕی گشتیی گرووپی FATFدا کە کار دژی سپیکردنەوەی پارە و دابینکردنی بەشی ماڵیی تێرۆریزم دەکات ڕێژیمی ئێران و کۆرەی باکوور لەو لیستەدا ماونەتەوە.
گرووپی تایبەتی ماڵی کە ناوەندەکەی لە وڵاتی "فەرانسە"یە، بۆ جارێکی دیکەش ڕێژیمی ئێرانی لە لیستەی ڕەشی خۆیدا تۆمار کرد و مۆڵەتێکی دیکەی بە تاران دا تاکوو بۆ بەرەنگاربوونەوە دژی سپیکردنەوەی پاره و دابینکردنی بەشی ماڵیی تێرۆریزم هەنگاو هەڵێنێت.
عەلی خامنەیی لە دوایین ڕۆژی جۆزەرداندا بڕیاری دابوو گەڵاڵەکانی پەیوەست بە " FATF" وەلابنرێن و بڕیاری بە مەجلیس دابوو کە بەشێوەی سەربەخۆ یاساکانیان لەپێوەندی لەگەڵ سپیکردنەوەی پارە پەسند بکەن.