کاربەدەستانی ڕێژیمی ئێران کارمەندێکی پێشووی وەزارەتی بەرگری کە گوایە زانیاریی مووشەکی بە ئامریکا داوە ئێعدام کردووە.
"غوڵام‌حوسێن ئیسماعیلی" وتەبێژی دەزگای دادوەریی ڕێژیمی ئێران وتوویەتی، کارمەندێکی پێشووی وەزارەتی بەرگریی ئێرانیان بە ناوی "ڕەزا عەسکەری" ئێعدام کراوه.
ئەم کاربەدەستەی ڕێژیم هەڕەشەی لەو کەسانە کرد کە دەیانهەوێ ئەمنییەتی ئێران بخەنە مەترسییەوە.
بە قسەی کاربەدەستانی ڕێژیمی ئێران"ڕەزا عەسکەری" لە دوای خانەنشین‌بوونی زانیاری بە دەزگای زانیاری "سی.ئائ.ئەی" (CIA) ئامریکا داوە و لە بەرانبەردا پارەی وەرگرتووە.
ئەم کاربەدەستەی ڕێژیم باسی لەوەش کردووە، ئێمە هەفتەی پێش حوکمێکی دیکەی لەو شێوەمان هەبووه".
ڕێژیمی ئێران بۆ پێشگرتن لە دزەکردنی بەرنامە ناوەکییەکانی هەر جارە و زانایەکی ئەتۆمی ئێعدام دەکات.
لەم پێوەندییەدا چەندین زانای ئەتۆمی بوونەتە قوربانیی سیاسەتەکانی ڕێژیمی ئێران.
