بەپێی هەواڵی گەیشتوو بە ماڵپەڕی "کوردستان میدیا" ڕێگای گوندەکانی نێوان "دەلۆ و دەربەند"ی سەر بە پارێزگای ورمێ لە دۆخێکی خراپدایە و دانیشتووانی ئەو دوو گوندە لەو دۆخە ناڕازین.
ئەو سەرچاوەیە باس لەوە دەکات کە بەهۆی خراپی ئەو ڕێگایە هەتا ئێستا چەندین جار ڕووداوی هاتوچۆ ڕوویداوە و هاووڵاتییان خەساریان بەر کەوتووە.
هەروەها لە کاتی بارینەکاندا بۆهۆی خاکیبوونی ڕێگاکە ئەو ڕێگایە دەبێتە قوڕ و هاتوچۆی زۆر بە سەختی لێ ئەنجام دەدرێت.
ڕێگای نێوان ئەو دوو گوندە هاتوچۆیەکی زۆری لەسەرە و هەتا ئێستا دانیشووانی ئەو دوو گوندە چەندین جار سکاڵایان لە شوێنە پەیوەندیدارەکانەوە تۆمار کەردووە بەڵام کێشەکەیان بۆ چارەسەر نەکردوون.
بەو هۆیەوە هاووڵاتییان ناچار بە هاوکاریی یەکتر و بە کەرەستەی کەسێتی کێشەکانی ڕێگا چارەسەر بکەن.
