"جوویس ئەلیاباچووس" هاووڵاتییەکی ئامریکایی، لەلایەن دادگاکانی ئامریکاوە بەتۆمەتی ناردنی ٢ ملیۆن دۆلار کەرەستەی فڕۆکە بۆ ئێران، ١٨ مانگ حوکمی زیندانی بۆ بڕایەوە.
قازیی فیدراڵی ئامریکا ڕایگەیاندووە، "ئەلیاباچووس" دانی بە تاوانەکەی خۆیدا ناوە کە لەگەڵ چەند دەڵاڵێکی ئێرانیدا زیاتر لە ٢ ملیۆن دۆلار کەرەستەی تایبەت بە فڕۆکەیان بۆ ئێران قاچاخ کردووە.
"ئەلیاباچووس" تەمەنی ٥٣ ساڵە و خەڵکی "مۆریس تاون" لە ویلایەتی نیوجێرسیی ئامریکایە.
پێشتریش دادگای فیدراڵی ئامریکا چەندین کەس و لایەن و شیرکەتی وڵاتەکەی بەهۆی پێشێلکردنی گەمارۆوە ئابوورییەکانی ئەو وڵاتە بۆ سەر ڕێژیمی ئێران سزا داوە یان زیندانیی کردووە.
