ڕۆژی چوارشەممە ڕێکەوتی ٢٧ی گەلاوێژ تاڵاوی "هەشیلان" لە پارێزگای "کرماشان" ئاگری تێبەردرا و بەهۆی گیا و گوڵی زۆر ئاگرەکە هەتا هێستا نەکوژاوەتەوە.
لە ماوەی چەند حەوتوی ڕابردوودا ئەو تاڵاوە سەرەڕای هۆشداریی ڕێکخراوە ژینگەپارێزییەکان، بەهۆی کەمتەرخەمیی بەرپرسان وشک بووە.
هەروەها ئەمشۆ دارستانەکان و لەوەڕگەی "کێوی ڕەش و تەنگ سپۆ" لەنێوان سنووری دوو شاری "چرام و کۆهگیلوویە" سەر بە پاریزگای "لوڕستان" ئاگری تێبەردراوە و هەتا بەرەبەیانی درێژەی هەبووە.
خەڵکی ناوچە خەریکی کوژاندنەوەی ئاگرەکەن بەڵام هەروا درێژەی هەیە و ئاگرەکە بەرە و ناوچەی "دڵی پیرمەحمود و کێوی ڕەش" دەروات و هەتا هێستا بەشێکی زۆر لە دارستانەکانی ناوچەی "تەنگ سپۆ" لە ئاگردا سووتاون.
هەر لەو پێوەندییەوە بەهۆی وشکساڵی و نەگەیشتنی ئاو بە "گۆلی بۆقان" لە گوندی "ئاڵکاوێ" سەر به شنۆ مەترسی وشکبوونی لەسەرە.
ئەو گۆلە بەهۆی هەبوونی جۆرەکانی "گیا و گوڵ" و شوێنی ژیانی گیانلەبەرانی ئاوژی و بەشێکی زۆر لەو باڵندانەیە کە ژیانیان بەو ئاوه گرێ دراوە جوانییەکی تایبەتی بەو شوێنە بەخشیوە.
لە ئەگەری وشکبوونی ئەو گۆلە سەرەڕای خەساری زۆر کارەساتێکی ژێنگەیشی لێ دەکەوێتەوە.
