ماوەیەکە کارخانەی سیمانی کاوانی بۆکان پاڵوێنەری تۆزی سیمانی لەسەر ئەو کارخانەیە لابردووە و ئەوە بووەتە هۆی ئەوەی تۆز و خۆڵی سیمانی ئەو کارخانەیە بە زەوەیی کشتوکاڵی ناوچەکەدا بڵاو ببێتەوە.
ئەو تۆز و خۆڵە بووەتە هۆی زەرەر و زیانگەیاندن بە بەرهەمی جووتیاران و ئاژەڵدارانی ناوچەکە.
هاوکات کارناسانی ژینگە وتوویانە، بڵاوبوونەوەی تۆز و خۆڵی سیمان لە درێژخایەندا زیان بە خاکی ئەو ناوچەیە دەگەیەنێت و ئەگەر بەم شێوەیە درێژەی هەبێت دەبێتە هۆی داخرانی بەشی جووتیاری و لەنێوچوونی زەویی کشتوکاڵیی ناوچەکە.
کارخانەی سیمانی کاوانی بۆکان کە پاڵوێنەرەکەی لابردووە، جووتیاران بەنیسبەت ئەو کارە هاتوونەتە دەنگ، بەڵام لەلایەن دامودەزگا پەیوەندیدارەکانەوە وڵامیان پێ نەدراوەتەوە.
بێ وڵامی و بەدوادانەچوون لەلایەن ڕێژیمەوە بەنیسبەت ئەو ناڕەزایەتییەی خەڵک بووەتە هۆی ئەوەیکە کارخانەی سیمانی کاوان لەسەر لێنەدانی پاڵوێنەر سوورتر بێت.
