بەپێی هەواڵی گەیشتوو بە ماڵپەڕی "کوردستان میدیا" کانزاکانی کوردستان و بەتایبەت شاری بۆکان هیچ قازانجێکیان بۆ خەڵکی شاری بۆکان و ناوچەکە نییە.
هاووڵاتییان باس لەوە دەکەن کە لە "بۆکان" بە دەیان کانزای جۆراوجۆری بەرد وەک: "تراوێرتەن، مەڕمەڕیت، گڕانیت" لە کوردستان و بەتایبەتی "بۆکان" بوونی هەیە بەڵام بەهۆی نەبوونی کارخانەی بەردبڕی ئەو بەردانە بۆ شارەکانی "ئیسفەهان، شیراز، یەزد و کرمان" هەناردە دەکردرێن.
هەروەها ئەو بەردانە بە نرخێکی زۆر کەم لەلایەن مافیاکانی سەر بە سپای پاسداران بەو کارخانانە دەفرۆشترێن و بە بەهایەکی گرانتر دووبارە بە خەڵکی ناوچە دەفرۆشێنەوە.
قازانجی ئەو بەردانە تەنیا بۆ سپای پاسدارانی ڕێژیمە و تێکچوونی سروشتی بۆ خەڵکی ناوچەکە تێدایە.
