ڕێکەوتی ١٥ی خەزەڵوەری ١٣٩٩ی هەتاوی، ئەندامێکی حیزبی دێموکراتی کوردستانی ئێران بە ناوی کاک "سوڵتان بادفڕ" خەڵکی پیرانشار بەهۆی نەخۆشییەوە ماڵاوایی لە ژیان کرد.
ناوبراو لە نێوخۆی وڵات وەکوو ئەندامێکی دڵسۆز و هەڵسووڕی حیزبی دێموکرات، ئەرکە پێسپێردراوەکانی چالاکانە بەڕێوە بردووە. لە ساڵەکانی ٩٥ــ٩٤ی هەتاویدا، لە پەیوەندی لەگەڵ چوونەوەی تێمێکی پێشمەرگەکانی حیزبی دێموکراتی کوردستانی ئێران بۆ نێوخۆ دەسبەسەر کراوە و ٥ ساڵ حوکمی زیندانی بەسەردا سەپێندراوە کە دواتر وەبەر لێخۆشبوون کەوتووە و لە ٥ ساڵ زیندانییەکەی ٢ ساڵ وەکوو زیندانیی سیاسی لە زینداندا بووە.
تەرمی کاک "سوڵتان" لە پیرانشار بە خاکی پیرۆزی کوردستان ئەسپێردرا.
حیزبی دێموکراتی کوردستانی ئێران، سەرەخۆشی لە بنەماڵە و کەسوکاری ناوبراو دەکات و خۆی بە هاوبەشی خەمیان دەزانێت.
