کاک "کەریم حوسێنی" تێکۆشەری دێرینی حیزبی دێموکرات و خەڵکی گوندی "سەفاخانە"ی ناوچەی هاوشار، بەهۆی ڕووداوی هاتوچۆوە ماڵاوایی لە ژیان کرد.
کاک "کەریم" هەتا ساڵی ١٣٧٥ی هەتاوی، لە ڕێزی پێشمەرگەکانی حیزبی دێموکراتدا تێکۆشانی کردووە و لە دوای ئەوەی بە ئیزنی حیزب گەڕاوەتە نێوخۆی وڵات کە دوای گەڕانەوەی لەلایەن ڕێژیمەوە دەسبەسەر کرابوو.
کاک "کەریم" چەندین جار لەلایەن ئیدارەی ئیتلاعات و ناوەندە سەرکوتگەرەکانی ڕێژیمەوە دەسبەسەر کرابوو.
لە ماوەی دەسبەسەرکردنی؛ ناوبراو بەهۆی ئەشکەنجە و ئازاری بەرپرسانی ڕێژیمەوە تووشی نەخۆشی ڕۆحی و ڕەوانی ببوو کە هەتا دوا ساتەکانی ژیانی وەک کەسێکی ئاسایی نەبوو.
حیزبی دێموکراتی کوردستانی ئێران سەرەخۆشی لە بنەماڵە، خزم و کەسوکاری ناوبراو دەکات و خۆی بە هاوبەشی خەمیان دەزانێت.
