کرێکارانی شارەداریی پیرانشار بەهۆی ئەوەی کە چوار مانگە لەلایەن شارەداریی ئەو شارەوە مووچەیان پێ نەدراوە، ماوەی چوار ڕۆژە مانیان گرتووە.
ئەم کرێکارانە کە مانیان گرتووە و شارەداری وڵامی داواکارییەکانیان ناداتەوە، ماوەی چوار ڕۆژە کاروباری کۆکردنەوەی زبڵ و پاک و خاوێنیی نێو شاریان ڕاوەستاندووە.
لە بەرامبەریشدا خەڵکی پیرانشار بە نیشانەی ناڕزایەتی دەربڕین، زبڵ و پاشماوەکانیان کە چەندین ڕۆژە لەلایەن شارەدارییەوە کۆ نەکراوەتەوە، لە بەردەم بینای شارەداری هەڵڕژاندووە.
شارەداریی پیرانشار هەتا ئێستا هەنگاوێکی بۆ داواکاریی کارێکارانی مانگرتوو هەڵنەگرتووە و بۆ پاک و خاوێنیی نێو شار کرێکاری ڕۆژکاریان بە جێگای کرێکارانی مانگرتوو هێناوەتە سەر کار.
