کوردستان میدیا

ماڵپەڕی ناوەندیی حیزبی دێموکراتی کوردستانی ئێران

کرێکارانی کارخانەی سیمانی بۆکان مانیان گرتووە

11:49 - 13 بانەمەڕ 2722

بەپێی هەواڵی گەیشتوو بە ماڵپەڕی "کوردستان میدیا" کرێکارانی کارخانەی سیمانی بۆکان ماوەی دوو ڕۆژە بەهۆی دواکەوتنی مووچە مانیان گرتووە و ناڕۆنە سەر کارەکانیان.

کاربەدەستانی ئەو کارخانەیە بیانوویان بە کرێکارانی کورد گرتووە و لە هەوڵدان کە کرێکاری تورک لە تەورێز و باقی پارێزگا غەیرە کوردەکان بۆ ئەو کارخانەیە بێنن.

دروست کردنی کارخانەی سیمانی بۆکان لە ساڵی ١٣٨٥ دەستی پێکرد و پاش ٥ ساڵ کەوتە بەرهەمهێنان و بەشێوەی ڕاستەوخۆ ٥٠٠ کەس تێیدا کار دەکەن.

لەو کارخانەیەدا بەشێوەی ناڕاستەوخۆ ٤ هەزار کەس لە بەشە جۆراوجۆرەکاندا لە کارخانەی سیمانی بۆکان کار دەکەن.