دۆخی خراپ و نەمانی کار وای کردووە کە کرێکارانی نانەواخانە و بیناسازی زیاتر لە جاران ڕوو بکەنە هەرێمی کوردستان و لەوێدا بە دۆخێکی سەخت و دژوارەوە کار بکەن.
چالاکێکی کرێکاریی لە پەیوەندی لەگەڵ کۆچکردنی کرێکارانی ڕۆژهەڵاتی بۆ هەرێمی کوردستان ڕایگەیاندووە کە نزیکەی ٢ ساڵە بە بیانووی پیشەی بوونەوەی نانەواخانەکان دەزگایەک جێی کرێکارانی گرتووەتەوە و زۆربەی کرێکاران بێکار و ئاوارەی وڵاتانی دراوسێ بوونە.
ئەو هەروەها وتوویەتی کە کرێکارانی بێکاری ڕۆژهەڵات ماوەیەکی زۆرە کە هەرێمی کوردستانیان لە جیاتی تاران و شارە گەورەکانی ئێران بۆ کار هەڵبژاردووە.
بارودۆخی کارکردن لە هەرێمی کورستاندا زۆر ئەستەمە و کرێکاران تێچووی زۆریان دەبێت و هەروەها ئەمنییەتی کارییان نییە.
هەروەها دۆخی کرێکارانی بیناسازیش لە دۆخی کرێکارانی نانەواخانەکان نالەبارترە و کرێکاران ناچارن ئەو دۆخە لەبەر نەبوونی کار لە شارەکانی خۆیاندا قەبووڵ بکەن.
دۆخی نالەباری ئابووریی ئێران و نەبوونی کار، خەڵکی بێکاری شارەکانی کوردستانی ڕۆژهەڵاتی ناچار کردووە بە دوای کاردا ڕوو بکەنە شارەکانی هەرێمی کوردستان.
