کوردستان میدیا: کرێکارێکی کورد لە گوندی حەسەن ئاوا بە هۆی بەربوونەوە لە بەرزایی لەکاتی کارکردندا گیانی لەدەست دا.
ماڵپەڕی کۆمیتەی هاودەنگی بۆ پێکهێنانی دامەزراوە کرێکارییەکان بڵاوی کردەوە، ئیبراهیم مورادپوور تەمەن ٥٣ ساڵ لەحاڵی کار کردندا و بە هۆی جەڵتەی دڵ لە بەرزاییەوە کەوتۆتە خوار و لە ئەنجامدا گیانی لەدەست دا.
لە ناوچەکانی کوردستانی ئێران هەر چەند جارێک بەهۆی نەبوونی ئیمەنیی کار کرێکارانی کورد گیان لەدەست دەدەن.
دوایین رووداوی کار، ماوەیەک لەمەوبەر گیانی ٢‌ی کرێکاری لە شەهرەکی سینفیی کاوە لە مەهاباد لە کاتی بتوون رێژیی نهۆمی یەکەمی بینایەکدا ئەستاند.