لەگەڵ هاتنی مانگی ڕێبەندان بارینی بەفر، لە پارێزگاکانی کوردستانی ڕۆژهەڵاتدا سیمایەکی تایبەتی بە سروشتی کوردستان بەخشیوە.
هاوکات لەگەڵ هاتنی وەرزی سەرما و بەتایبەت مانگی ڕێبەندان، لە زۆربەی شار و پارێزگاکانی کوردستانی ڕۆژهەڵات بەفرێکی زۆر باریوە و ئەمە سیمایێکی زستانیی بە شارەکان بەخشیوە.
لە زۆربەی شارەکاندا ڕێژەی بارینی بەفر گەیشتووە ٥٠ سانتی میتر و هاوکات لەگەڵ ئەوەدا کە بووەتە هۆی دڵخۆشیی خەڵک زۆربەی ڕێگاوبانە سەرەکییەکانیش گیراون.
ئاستی سەرما بەتایبەت لە کرماشاندا بە ئاستێک بەرز بووە کە دار و گژ و گیاش سەهۆڵیان بەستووە.
