ئاماری تووشبوون و گیانلەدەستدان بە کۆرۆنا لە شارەکانی کوردستان بەردەوام ڕێکۆرد تۆمار دەکات و شاری مەریوان لە دۆخێکی قەیراناویدایە.
لە ماوەی دوو ڕۆژی ڕابردوو لە مەریوان، نزیکەی ٥٠ حاڵەتی نوێی کۆرۆنا تۆمار کراوە و ئاماری تووشبووانی کۆڤید ١٩ لەم شارە لە هەڵکشاندایە.
بەپێی زانیارییەکان، ڕێکەوتی ١٣ی جۆزەردان، ٢٤ و ڕێکەوتی ١٤ی جۆزەردان، ٢٣ حاڵەتی ئەرێنیی کۆرۆنا لە مەریوان تۆمار کراوە.
لە ماوەی چەند ڕۆژی ڕابردوو، خەڵکانێکی زۆر تووشی کۆرۆنا بوونه کە لەنێویاندا چەندین کارمەندی تەندروستی و پەرستار و پزیشک هەن.
ژمارەی گشتیی تووشبووانی کۆرۆنا لە سەرەتای مانگی ڕەشەمەی ڕابردووەوە هەتا ڕێکەوتی ١٤ی جۆزەردان لە مەریوان، گەیشتووەتە ٣٠٨ حاڵەت کە ٨ کەسیان گیانیان لەدەست داوە.
لە ماوەی ١٠ ڕۆژی ڕابردوو، گەشتیارێکی زۆر لە شارەکانی ئێرانەوە ڕوویان لە مەریوان کردووە کە ئەوە خۆی هۆکارێکی سەرەکیی بڵاوبوونەوەی ئەم نەخۆشییەیە.
