ئەندامان و لایەنگرانی حیزبی دێموکراتی کوردستانی ئێران لە درێژەی چالاکییە تەبلیغییەکان لە کوردستاندا بە شێوەیەکی بەرین چالاکیی تەبلیغی بەڕێوە برد.
ئەندامان و لایەنگرانی حیزب لە شاری بۆکان بەبۆنەی ٢ی ڕێبەندان لە "میراوا"ی بۆکان، کەریزە ، جادەی مەحموودئاوا، پاڕکی ساحلی، فەلەکەی مادەر، گەڕەکی قاسماغا، فەلەکەی فەرمانداری، گەڕەکی ساحلی، جادەی حەسار، پردی کۆسە، سەیرانگای شاخە ڕەش" سەدان تراکتیان بڵاو کردووەتەوە.
هەروەها لە ڕێگای و ئێسە مێسەوە زیاتر لە ١٥٠٠ کورتەنامەی "پیرۆز بێ ٢ی ڕێبەندانـ"ـیان بۆ خەڵک ناردووە.
لە مەهاباد ئەندامانی حیزبی دێموکرات لە "شاروێران، کێچاوا و گابازەڵە" بەبۆنەی ٢ی ڕێبەندان چالاکیی بەرینی تەبلیغییان بەڕێوە بردووە.
لە بانە تێکۆشەرانی دێموکرات بۆ پیرۆزکردنی جێژنی ٢ی ڕێبەندان ئاڵای کوردستان و ئارمی فەرماندەیی هێزی پێشمەرگەی کوردستانیان لە چیاکانی ئەو شارە هەڵکردووە.
لە سەقز لاوانی دێموکرات بەبۆنەی ٢ی ڕێبەندان لە گوندەکانی مەرخوز، ئاخکەند، یازی بڵاغی، ڕێگای سەقز ـ بۆکان، نێو شار، گەڕەکی ساڵح ئاوا، مزگەوتی جامعی ساڵح ئاوا، گەڕەکی ۳۲ میتری، گەڕەکی حاجی ئاوا، تەپەی شافعی و نەخۆشخانەی تەئمین ئیجتماعی" چالاکیی بەرینی تەبلیغییان بەڕێوە بردووە.
