کۆمەڵێک لە بەندکراوانی بەندیخانەی ورمێ بەنیسبەت دەسبەسەرکردنی لاوانی کورد بە دەستی هێزە سەرکوتکەرەکانی ڕێژیمی ئێران پەیامێکیان بڵاو کردەوە.
دەقی پەیامەکە بەم چەشنەیە:
ئيمه كۆمەڵێک زيندانىی سياسى له پارێزگاى "ورمێ" گیران و دەسبەسەرکرانی لاوانی کورد مەحکووم دەکەین. لە بەرەبەری مانگی پیرۆزی ڕێبەنداندا هێزە سەرکوتکەرەکانی ڕێژیمی کۆماری ئيسلامیی ئێران، کوێرکوێرانە لاوانی خۆرهەڵاتی كوردستان بە بێ بەڵگە قۆڵبەست دەکات و ڕەوانەی ژووری لێکۆڵێنەوە و تاکەکەسییان دەکات.
کاربەدەستانی ڕێژیم بە بیری تەسکی خۆیان دەیانهەوێ گەلی مافویستی کوردستان چاوترسێن بکەن و لاوانی مافخواز و شۆڕشگێڕ بە چۆکدا بێنن؛ بەڵام بیریان لەوە نەکردووەتەوە، ئەوان دەیان ساڵە قەڵاچۆمان دەکەن، ماڵمان دەسووتێنن، خاکمان داگیر دەکەن و دەمانکوژن، بەڵام لە کۆتاییدا هەر ئەوانن کە بەدەستی پۆڵایینی گەلی کورد، بە زبڵدانی مێژوو دەسپێردرێن.
بژی کورد و کوردستان
بژی حیزبی دێموکرات
سەرکەوێ ڕاسان
٢٥ی بەفرانباری ٢٧٢٠ی کوردی
