بەهۆی گرانیی گۆشت لە بازاڕەکانی کوردستان و ئێراندا بەکارهێنانی ئەو خۆراکە ٥٠ لەسەد کەمی کردووە.
لە لایەکی دیکەوە بەهۆی ئەوەیکە کۆنسێڤی ماسی بووەتە ٣٠ هەزار تمەن خەڵک ئیتر ناتوانن ئەو خۆراکە بکڕن. دابەزینی ئاستی کڕینی خەڵک و بەرزبوونەوەی نرخەکان بووەتە هۆی ئەوەیکە توانای کڕینی خەڵک ڕۆژانە دابەزێت.
خەڵک بەهۆی ئەوەیکە ناتوانن گۆشتی سوور یا سپی بکڕن ناچارن ڕوو لە کڕینی ئێسک، جەرگ و سیکەتۆرە بکەن کە وەک گوشتی دەرجە ئەژمار دەکرێت.
بەشێکی گرانیی گۆشت بۆ ئەوە دەگەڕێتەوە کە تفاق و دان بۆ ئاژەڵداران و کێڵگەکانی پەلەوەرە دابین نەکراوە.
نرخی گۆشتی سوور و مریشک لە ئێراندا ڕۆژ بە ڕۆژ ڕووی لە زیادبوونە و لە ئێستادا ئیتر گۆشت لەسەر سفرەی خەڵکی کەمداهات و تەنانەت چینی مامناوەند سڕدراوەتەوە.
