"ئیسماعیل حەمیدیان"، خەڵکی ئیلام و چالاکی ژینگەپارێزی، لە کاتی چاندنی نەمام لە چیا بەر بووەوە و گیانی لەدەست دا.
کاک "ئیسماعیل" لیسانسی حیسابداریی هەبووە و لە نەخۆشخانەی "ئیمام عەلیـ"ـی شاری سراولە کارمەند بووە. ناوبراو چالاکێکی ژینگەپارێزی، مەدەنی و کەسێکی نیشتمانپەروەر بوو.
ناوبراو زیاتر لە ١٥ ساڵە چالاکی ژینگەپارێزی بووە و لە کوژاندنەوەی ئاگری دارستانەکانی ئیلامدا ڕۆڵی سەرەکیی هەبووە.
کاک ئیسماعیل حەتووی پێشوو کاتێک لە کێوی "مانشت"، یەکێک شاخەکانی ئیلام، سەرقاڵی چاندنی نەمام بووە، بەر بووەتەوە و گیانی لەدەست داوە.
کاک "ئیسماعیل حەمیدیان" خەڵکی گوندی "سراوی کارزان"، جیا لەوەیکە ژینگەپارێز بووە، نووسەرێکی بە توانای کوردیش بووە.
ناوبراو لە یەکەمین کەسانێک بووە کە دژی ئاسمیلەکردنی ئیلام کاری کردووە و بەردەوام خراوەتە ژیر زەخت و گوشارەوە.
کۆچی دوایی ئەو نیشتمانپەروەرە خەسارێکی گەورە بۆ کۆمەڵگای مەدەنیی کوردستانە.
