کوردستان میدیا

ماڵپەڕی ناوەندیی حیزبی دێموکراتی کوردستانی ئێران

کۆکردنه‌وه‌ی ماهواره‌ له‌ شاری ورمێ درێژه‌ی هه‌یه‌

17:12 - 19 پووشپەڕ 2712

کوردستان میدیا: له‌ شاری ورمێ هێزه‌ نیزامییه‌کانی رێژیم هێرشیان کردۆته‌وه‌ سه‌ر شارۆچکه‌ی ئیسلام‌ئاباد و ده‌ستیان به‌سه‌ر ماهواره‌ی هاووڵاتییاندا گرتووه.


به‌پێی هه‌واڵی گه‌یشتوو به‌ ماڵپه‌ڕی کوردستان میدیا، رێکه‌وتی ١٨ی پووشپه‌ڕی ١٣٩١ی هه‌تاوی، هێزه‌ نیزامییه‌کانی رێژیم له‌ کۆڵانه‌کانی ژماره‌ ٧٠ و ٧٢ی شارۆچکه‌ی ئیسلام ئابادی شاری ورمێ هێرشیان کردۆته‌ سه‌ر خه‌ڵک و ده‌زگاری ماهواره‌ی هاووڵاتییانیان کۆ کردۆته‌وه.
هه‌روه‌ها ناو و شوره‌تی خاوه‌ن ماهواره‌کان له‌لایه‌ن هێزه‌کانه‌وه‌ نووسراوه‌ و هه‌ر که‌سێکیش دیش گه‌ردانی هه‌بووه‌ ٥٠٠ هه‌زار جه‌ریمه‌ کراوه.
هێزه‌کانی رێژیمی ئیسلامیی ئێران، له‌پاڵ کۆکردنه‌وه‌ی ده‌زگای ماهواره‌ی هاووڵاتییان، وێڕای بێ‌حورمه‌تی پێکردن، ماڵی هاووڵاتییانیشیان پشکنیوه.
هه‌روه‌ها ماوه‌یه‌ک له‌وه‌ پێشیش هێزێکی زۆری رێژیم به‌ مه‌به‌ستی کوکردنه‌وه‌ی ده‌زگای ماهوار له‌ شاری مه‌ریوان، رژابوونه‌ گه‌ڕه‌کی کووره‌ی مووسه‌وی و بێ ئیزن چوونه‌ته‌ سه‌ر بان و نێو ماڵی خه‌ڵک و پاش پشکنین ده‌ستیان به‌سه‌ر چه‌ندین ده‌زگا ماهواره‌دا گرتووه.

23هه‌مين ساڵیادی تیرۆری دوکتور قاسملوو