خاوەن کێڵگەی پەلەوەرەکانی سەقز لە بەردەم فەرمانداریی شاری سەقز کۆبوونەوەی ناڕەزایەتیان دەربڕی.
خاوەن کێلگەی پەلەوەرکان وتوویانە، دامەزراوە پەیوەندیدارەکان ڕێگامان پێ نادەن بەرهەمەکانمان بۆ پارێزگاکانی دیکە بنێرین و هەروەها ناتوانین مریشکی زیندوو بفرۆشین.
هەروەها کوشتارگاکانی "بانە و سنە"ش دەفرایەتی وەرگرتنی بەرهەمی کێڵگەکانی ئێمەیان نییە و ماوەیەکی زۆریشە بەهۆی کۆرۆناوە کێڵگەکانمان داخراون.
بەو هۆیەوە زۆربەی کێڵگەکان ئیمکانی ئەوەیان نییە مریشکەکانیان بفرۆشن و بەرهەمەکانیان لەسەر دەستیان ماوەتەوە.
