کوردستان میدیا: کەسایەتییەکی ناسراو و خۆشناوی شارۆچکەی نەڵۆس، بە هۆی نەخۆشییەوە کۆچی دوایی کرد.
بەپێی هەواڵی گەیشتوو به ماڵپەڕی کوردستان میدیا، ڕۆژی پێنجشەممە، ١ی خاکەلێوە، "محەممەد ڕەساڵت"، کەسایەتیی خۆشناو و ناسراوی شارۆچکەی نەڵۆس، به هۆی نەخۆشییەوە، بۆ هەمیشە ماڵاوایی لە ژیان کرد.
کاک محەممەد، لەگەڵ شۆڕشی گەلانی ئێران و دەسپێکردنەوەی شۆڕش بوو بە لایەنگری حیزبی دێموکراتی کوردستانی ئێران، ماڵی ناوبراو شوێنی حەسانەوەی پێشمەرگە بوو و بەوپەڕی دڵسۆزییەوە هەمیشە لە خزمەت حیزب و پێشمەرگەدا بووە.
تەرمی ناوبراو لە نێو ئاپۆڕای خەڵکی ناوچەکەدا بە خاک ئەسپێردرا.
حیزبی دێموکراتی کوردستانی ئێران، سەرەخۆشی لە بنەماڵە، خزم و کەسوکاری ناوبراو دەکات و خۆی بە شەریکی خەمیان دەزانێت.
