ڕۆژی سێشەممە ٢٨ی گەلاوێژی ١٣٩٩ی هەتاوی، کەسایەتییەکی خۆشناو و نیشتمانپەروەر بە ناوی کاک "ڕەحیم خۆشنەواز" کوڕی حاجی "جەمیل خۆشنەواز"، خەڵکی گوندی "سەردۆشـ"ـی مەریوان، بەهۆی نەخۆشییەوە ماڵاوایی لە ژیان کرد.
کاک "ڕەحیم" کەسایەتییەکی خۆشناو و جێگای باوەڕی خەڵکی ناوچەکە بووە.
ناوبراو یەکێک لەو کەسایەتییانە بووە کە لە سەرەتای شۆڕشی گەلانی ئێرانەوە، ماڵەکەی شوێنی حەسانەوەی پێشمەرگەکانی حیزب بووە و هەمیشە یارمەتیی تیمەکانی پێشمەرگەی داوە.
تەرمی کاک "ڕەحیم" لە زێدی خۆی بە خاکی پیرۆزی نیشتمان ئەسپێردرا.
حیزبی دێموکراتی کوردستانی ئێران، سەرەخۆشی لە بنەماڵە و کەسوکاری ناوبراو دەکات و خۆی بە هاوبەشی خەمیان دەزانێت.
