کوردستان میدیا: کەسایەتییەکی خۆشناو و نیشتمانپەروەر لە ناوچەی سەردەشت و ڕەبەت بۆ هەمیشە ماڵاوایی لە ژیان کرد.
ڕۆژی یەکشەممە، ١ی بانەمەر، ''دەرویش عوسمان جاوید'' خەڵکی مەراغان و دانیشتووی هۆرمۆزئاوا سەربە شاری ڕەبەت بە هۆی نەخۆشی لە تەمەنی ٧٥ ساڵیدا لە شاری ڕەبەت کۆچی دوایی کرد.
دەرویش عوسمان، کەسیکی نیشتمانپەروەر و جێگەی ڕێز و متمانەی خەڵک، لە ناوچەی سەردەشت و ڕەبەت بوو.
نابراو، لایەنگری حیزبی دێموکراتی کوردستانی ئێران بوو و هەمیشە ئاواتی ڕزگاریی کوردستانی لە دڵیدا بوو.
دەرویش عوسمان چەندین جار لە لایەن هێزەکانی ڕێژیمی داگیرکەری ئێرانەوە دەسبەسەر و ئەشکەنجە کرا.
تەرمی ناوبراو لە نێو ئاپۆڕای خەڵکی ناوچەکەدا بە خاک ئەسپێردرا.
حیزبی دێموکراتی کوردستانی ئێران، سەرەخۆشی لە بنەماڵەی ناوبراو و خزم و کەسوکاری دەکات و خۆی بە هاوخەمیان دەزانێت.
