ڕۆژی یەکشەممە ڕێکەوتی ٢١ی خاکەلێوە حاجی "ئەحمەد شەمامی" کەسایەتییەکی نیشتمانپەروەری خەڵكی گوندی "بڵەسەنـ"ـی بانە ماڵاوایی لە ژیان کرد.
ناوبراو کەسێکی حیزبدۆست بووە و هەمیشە بە شانازییەوە باسی لە حیزب و پێشمەرگە کردووە.
حاجی "ئەحمەد" کەسێک بووە لەنێو خەڵکی ناوچەکەدا ناسراو بووە و کاتی خۆی یارمەتییەکی زۆری پێشمەرگەی داوە.
ناوبراو بەهۆی پشتیوانییەکانی لە حیزبی دێموکرات هیچ کات تەسلیمی ڕێژیمی داگیرکەر نەببوو و هەمیشە لەسەر بیر و باوەڕی خۆی سوور بوو.
تەرمی ناوبراو لە زێدی خۆی بە خاکی پیرۆزی کوردستان ئەسپێردرا.
حیزبی دێموکراتی کوردستانی ئێران سەرەخۆشی لە بنەماڵە و کەسوکاری ناوبراو دەکات و خۆی بە هاوبەشی خەمیان دەزانێت.
