حاجی مامۆستا "ڕەسووڵ کەریمی" کەسایەتییەکی نیشتمانپەروەری بۆکان ماڵاوایی لە ژیان کرد.
حاجی مامۆستا "ڕەسووڵ کەریمی" کەسێکی نیشمانپەروەر بووە و لە ماوەی تەمەنیدا لەگەڵ خوالێخۆشبوو "عەلی خان سەلیمیی بابامیری و عومەرخان" لەلایەن ڕێژیمی پاشایەتییەوە دەسبەسەر کران و بۆ ماوەی سێ ساڵ لە زیندانی قزڵحەسار ڕاگیران.
تۆمەتی ئەو سێ کەسە هاوکاری لەگەڵ حیزبی دێموکراتی کوردستانی ئێران بووە.
حاجی مامۆستا ئەگەرچی نابینا بووە، بەڵام شاعیرێکی هەستبزوێن بووە و چەندین جار لەلایەن شەهید "دوکتور قاسملوو"وە تەشویق کرابوو.
ناوبراو شێعرێکی بە شێوەی شینگێڕی بۆ دوکتور قاسملوو هۆنیوەتەوە کە لە جۆری خۆیدا بێوێنەیە.
حیزبی دێموکراتی کوردستانی ئێران سەرەخۆشی لە بنەماڵە، خزم و کەسوکاری ناوبراو دەکات و خۆی بە شەریکی خەمیان دەزانێت.
